Jesu dulcis memoria
BERNARDUS CLARAVALLENSIS (1091-1153) Jesu dulcis memoria, Dans vera cordi gaudia, Sed super mel et omnia Ejus dulcis praesentia. Nil canitur suavius, Nil auditur jucundius, Nil cogitatur dulcius Quam Jesus Dei filius. Jesu spes poenitentibus, Quam pius es petentibus, Quam bonus te quaerentibus, Sed quid invenientibus. Jesus, dulcedo cordium, Fons veri, lumen mentium, Excedens omne gaudium Et omne desiderium. Jesu decus angelicum. In aure dulce canticum, In ore mel mirificum, In corde nectar coelicum. Tumbam perfundam fletibus, Locum replens gemitibus, Jesu provolvar pedibus, Strictis haerens amplexibus. Jesu rex admirabilis, Et triumphator nobilis, Dulcedo ineffabilis, Totus desiderabilis. Mane nobiscum, domine, Et nos illustra lumine, Pulsa noctis caligine, Mundum replens dulcedine. Quando cor nostrum visitas Tunc lucet ei Veritas, Mundi vilescit vanitas Et intus fervet caritas. Amor Jesus dulcissimus Et vere suavissimus, Plus millies gratissimus Quam dicere sumcimus. Hoc probat tua passio Hoc sanguinis effusio, Per quam nobis redemptio Datur Deique visio. Jesum omnes agnoscite Jesum ardenter quaerite Amorem ejus poscite Quaerendo inardescite. Sic amantem diligite, Amoris vicem reddite, In hunc odorem currite Et vota votis reddite. Jesus, auctor clementiae, Totius spes laetititae, Dulcoris fons et gratiae, Verae cordis deliciae. Cum digne loqui audeam, De te, tamen non sileam, Amor facit ut audeam, Cum de te solum gaudiam. Desidero te millies, Mi Jesu, quando venies; Me laetum quando facies Ut vultu tuo saties. O Jesu, mi dulcissime, Spes suspirantis animae, Te quaerunt piae lacrimae, Te clamor mentis intimae. Jam quod quaesivi video, Quod concupivi teneo, Amore Jesu langueo Et toto corde ardeo. O beatum incendium, O ardens desiderium, dulce refrigerium ; Amare Dei filium. Quocunque loco fuero Mecum Jesum desidero Quam laetus cum invenero, Quam felix cum tenuero. Jesu, flos matris virginis, Ardor nostrae dulcedinis, Laus, honor, tibi numinis, Regnum beatitudinis. Iesu summa benignitas
Mira cordis iucunditas
Incomprehensa bonitas
Tua me stringit Caritas. Veni, veni, Rex optime, Pater immensae gloriae, Affulge menti clarius Jam exspectatus saepius. Jesu sole serenior, Et balsamo suavior, Omni dulcore dulcior, Ceteris amabilior. Coeli rives occurrite, Portas vestras attollite, Triumphatori dicite; Ave Jesu, rex inclyte. Tu fons misericordiae, Tu verae lumen patriae. Pclle nubem tristiiiac, Pans nobis lucem gloriae. Rex virtutum, rex gloriae, Rex insignis victoriae, Jesu largitor gratiae, Honor coelestis curiae.
Iam quod quaesivi video
Quod concupivi teneo
Amore Iesu langueo
Et corde totus ardeo.
O Iesu mi dulcissime
Spes suspirantis animae
Te quaerunt piae lacrymae
Et clamor mentis intimae.
Sis Iesu nostrum gaudium,
qui es futurus praemium,
sit nostra in te gloria
per cuncta semper saecula. Amen
